ولـــد امــــه!!

السلام عليكم

قبل ماابتدي موضوعي احب اقولكم ان شعاري دائما((لا للمجاملات))يعني اللي بيجــامل لا يدخــل واتمنى ان اشوف الصراحه والذمه والضمير في هالموضوع ..

لما يجي الزوج يتناقش مع زوجته .. وعقب يروح لامه ويقولها كل كلمه وحرف انقالت

بينه وبين زوجته ويدخل امه غصب في كل شي بينه وبين زوجته هذا اسمه ((ولد امه )).. ومو كفوو يكون مسؤل عن زوجه وابناء في

المستقبل .. بقولكم قصه حقيقيه ..

وحده متزوجه كانت بتروح لوحده من ربعها المهم شافها الزوج وهي كاشخه وطالعه قالها: ((قلتي لامي انج بتطلعين)) قالت له ((انا قلت لك امس اني بروح لوحده من ربعي وانت وافقت ..)) قالها ((امي الاامره الناهيه في هالبيت )) الزوجه المسكينه ((راحت غرفتها واقفلت الباب على نفسها واقعدت تصيح ))..

سؤالي للشباب المتزوجين والعزابيه :

هل انت من هالنوع ؟

وان لم تكن منهم .. هل انت مؤيد لهالنوع ؟؟ مع ذكر السبب في الحالتين ..

سؤالي للبنات المتزوجات والعذارى :

هل تقبلين الزواج بهالنوع من الشباب ؟ مع ذكر الاسباب في الحالتين ..

واذا اكتشفتي بعد فتره انه من هالنوع وش بتسوين ؟

ـالأملـ ـاالمقتولـ